خرافات عن المسكنات قد تكلفك حياتك

0
570

كتب: دكتور خير

خرافات كتیر بنسمعھا عن المسكنات من الجرعة والمشاركة وأننا ممكن ناخدھا من غیر استشارة طبیة. شاركنا إیه أكتر خرافة سمعتھا عن المسكن ولسه مصدقھا؟

خرافة: جرعة المسكن عادي أنك تشاركھا!

كتیر مننا ممكن بیشارك أقراص المسكن عالیة التركیز مع شخص تاني عنده ألم، لكن اللي كتیر میعرفھوش أن أقراص المسكن لو مش محدد لھا أنھا ممكن تتقسم أو كانت كبسولة فمشاركتھا بتلغي فاعلیتھا في تسكین الألم وبتعرض الجسم لأثار جانبیة خصوصاً في حالة إزالة الغلاف للكبسولة. الجرعة المحددة بكل قرص أو كبسولة محسوبة ولازم تلتزم بیھا حسب تعلیمات الطبیب أو نشرة تعلیمات الاستخدام.

خرافة: لو عایز تخفف الألم أسرع ممكن تاخد ضعف كمیة المسكن!

جرعة المسكن بیحددھا الطبیب بصورة مناسبة للألم والطریقة الأفضل لعلاجھ. لو حاولت تاخد جرعة مسكن أكبر من اللي الدكتور حددھا للأسف مش ھیسرع من تخفيف الألم أو علاجھ لكن ممكن یسبب مشكلات صحیة ویزود من الأثار الجانبیة للدواء. لو حسیت أن المسكن مش بیأثر على الألم بعد فترة استشیر الطبیب لتغییر الدواء بواحد ملائم أكتر لحالتك الصحیة. لو أنت بتاخد مسكن أو خافض للحرارة بصورة مستمرة بدون وصفة طبیة حاول تلتزم بالجرعة المقترحة على العبوة ومتحاولش تخلطھا بمسكن تاني بدون استشارة الطبیب أو الصیدلاني.

خرافة: عادي إنك تاخد المسكن مع الأدویة الدوریة أو المكملات الغذائیة!

كتیر مننا بیفكر أن المسكن ممكن یتاخد مع الأدویة الدوریة للأمراض المزمنة أو المكملات الغذائیة لكن على العكس المسكن ممكن یتعارض مع الأدویة ویوقف فاعليتها ویسبب مخاطر صحیة، زي الأسبرین اللي بیأثر على بعض أدویة السكري والكودایین أو الأوكسیكودون اللي بیعارضوا عمل بعض مضادات الاكتئاب. كل ده ینبھك أنك لازم تستشیر طبیب قبل ما تقرر أنك تاخد مسكن.

ترك الرد

أكتب تعليقك
من فضلك أدخل الأسم